प्रवासमा रहेका आदिवासी जनजातिहरुको भाषा धर्म संस्कृति परम्परा तथा हक़ हित र अधिकारको संरक्षण संबर्धन तथा विकासका लागी यही मिति ११ अप्रील २००९ का दिन इजरायलको तेल अभिभमा उपस्थित भएका जनजातीहरुको दोश्रो बृहद भेलाले “आदिवासी जनजाति महासंघ इजरायल” को स्थापना गरेको छ ।
नयन्द्र चेम्जोङ्गको संयोजकत्वमा मिति ४ अप्रील २००९ मा बसेको जनजातीहरुको अघिल्लो भेलाले ७ सदस्यीय जनजाती महासंघ इजरायलको तदर्थ समिति गठन गर्ने निर्णय अनुसार श्री नयन्द्र चेम्जोङ्गको अध्यक्षतामा आवस्यकता अनुसार थपघट गर्ने गरी हाललाई बढीमा २१ सदस्यिय तदर्थ समिति गठन गर्ने र तदर्थ समितिले विधान निर्माण गरी लागु गरेको मितिबाट सोही समितिलाई स्वतः कार्य समिति स्वीकार गर्ने निर्णय गरेको हो ।
जस अनुसार तदर्थ समितिका अन्य पदाधिकारीहरुमा यम गुरुङ्ग उपाध्यक्ष,वि.आर. लामा महासचिव,हरि चौधरी सचिब,तेन्जीङ्ग शेर्पा कोषाध्यक्षका साथै अन्य सदस्य हरुमा तेन्जी शेर्पा,राम बहादुर तामाङ्ग,प्रभात गुरुङ्ग,चित्र लाल गुरुङ्ग,इन्द्र घले,शेर बहादुर घले,शेर बहादुर घले,जय कला राई,दोर्जे शेर्पा र बसन्त गुरुङ्ग रहनु भएको छ।
सो कार्यक्रममा महासंघका निवर्तमान अध्यक्ष श्री नयन्द्र कुमार चेम्जोंगले आफ्नो धारणा राख्ने क्रममा यो संस्था आदिवासी दलित तथा अल्प संख्यक पिछडिएका सबै जनजातिहरु बिचको एकताको प्रतिक हुनेमा विश्वस्त हुदै जुनसुकै राजनितिक लक्ष्य उद्धेस्य भएता पनि सबै संग सहकारी गरि जनजातिको हक़ हितका लागी आवाज़ उठाउने तथा यस् बिषयमा सरकारलाइ घचघच्याउने कुरा औल्याउनु भयो ।कार्यक्रममा समितिका नया पदाधिकारी लगायत अन्य बिभिन्न वक्ताहरुले आ आफनों धारणा राख्नु भएको थियो।
कार्यक्रम संघका महासचिव श्री बी आर लामाले सञ्चालन गर्नु भएको थियो, उहाँ गैर आवासीय नेपाली संघ राष्ट्रिय समन्वय परिषद् इजरायलका सदस्य तथा नेपाली समाज इजरायलका सचिव हुनुहुन्छ ।
कृष्ण थापा
इजरायल
