नेपाली भाषा साहित्य र संगीत प्रति समर्पित संस्था अन्तरराष्ट्रिय नेपाली साहित्य समाज इजरायलको आयोजनामा यही २५ अप्रिल शनिबार इजरायल को तेल अभिभ मा प्रथम साहित्य सम्मेलन सफलतापुर्वक सम्पन्न भयो ।नेपाली राजदुतावस इजरायलका उपप्रमुख श्री मुक्तिनाथ भट्टज्युबाट ३ हरफे कविता “हाइकु” वाचन गरेर सो सम्मेलनको समुदघाटन भएको थियो ।
कार्यक्रममा स्वागत मंतव्य राखने क्रममा अनेसास इजरायलका सदस्य शंकर पौडेलले यो सम्मलेनबाट इजरायलमा रहेका नया प्रतिभाहरुको पहिचान गर्न र संगठन बिस्तार गरि आगामी दिनहरुमा अन्य गतिबिधिहरु सञ्चालन गर्न बाटो खुलेको छ भन्दै आमंत्रित अतिथि सहभागी तथा साहित्यप्रेमी हरुलाई स्वागत र धन्यवाद व्यक्त गर्नु भयो ।साथै उहाँले भविष्यमा अनेसासको सबै प्रयत्न र कोशिशहरुले यसरी नै सबैको माया र सदभाव पाउने अपेक्षा पनि गर्नु भयो ।
प्रमुख अतिथिको आसनबाट बोल्दै श्री भट्टले नेपाली साहित्यको उत्त्थानका निमित्त इजरायलको नेपाली डायोस्पोरा संगठित भएकोमा खुसी व्यक्त गर्दै साहित्यिक गतिविधि अब क्रमिक रुपमा अघि बढ़ने कुरामा विश्वास व्यक्त गर्नु भयो । सो कार्यक्रममा उहाले प्रेम र् शान्तीको सन्देश लिएर विभिन्न मुलुक भ्रमण गर्दै इजरायल आइपुग्नु भएका विश्व साइकल यात्री पुष्कर शाहलाई अनेसासको तर्फबाट प्रशंशा पत्र पनि प्रदान गर्नु भएको थियो । सोही अवसरमा साइकल यात्री शाहले आफ्नो कृति “एकादेशको एउटा मान्छेको कथा” बाट “प्यारी भान्जी लाई चिट्ठी ” शिर्शकको कविता वाचन गर्नु भएको थियो ।१४२ राष्ट्र को भ्रमण गरिसक्नु भएका शाहले यात्राका अविश्मरणिय क्षणहरु सुनाउदै आफुपनी साहित्यप्रेमी भएको नाताले इजरायलको यो साहित्य सम्मेलनमा सहभागी हुँदा खुशी लागेको बताउनु भयो ।
बिभिन्न संघ संस्था हरुको उपस्थिती रहेको सो कार्यक्रममा गैर आवासीय नेपाली संघ , राष्ट्रिय समन्न्वय परिषद इजरायलका अध्यक्ष भुवन्सिङ्ह कुँवर,आदिवासी जनजाती महासंघ इजरायलका अध्यक्ष श्री नयन्द्र कुमार चेम्जोङ ,नेपाली कृषि कामदार सहयोगी समितीका अध्यक्ष श्री खोजराज कटुवाल, राजदुतवासका थान् प्रसाद शर्मा, झापाली एकता परिवारका केशव कुमार श्रेष्ठ कानुनविद तथा अनेसास इजरायलका सलाहकार श्याम रोक्का ,नेपाली समाज इजरायलका नबिन बस्नेत लगायतका वक्ताहरुले आ आफ्नो धारणा राख्दै नेपाली भाषा र साहित्यकोलागी स्थापित यस्तो प्रकृतिको सम्मेलन इजरायल मै पहिलो पटक शुरुवात भएको भन्दै यस्को उत्तरोत्तर प्रगतिको कामना व्यक्त गर्नुभएको थियो ।
दुई चरणमा विभक्त सो कार्यक्रममा अन्तरराष्ट्रिय नेपाली साहित्य समाजका संस्थापक अध्यक्ष श्री होमनाथ सुबेदी ज्यु द्वारा अमेरिकाबाट प्राप्त कवितात्मक शुभकामना वाचन गरेर लेख रचना वाचन को श्रृंखला प्रारम्भ गरिएको थियो । बेन गुरियन विश्वविद्यालयका इजरायलका डा बिष्णु चापागाइ, सन्युक्त राष्ट्र संघका डा ध्रुव कोइराला, साहित्यकार रमेश इखालु(कतार्), कृष्ण बजगाई (बेल्जियम्), रिचा शर्मा(नेपाल) विश्व्दिप तिगेला (यु के), धर्मेन्द्र विक्रम नेम्बाङ (नेपाल ) विश्व पौडेल (अमेरिका) लगायत ले शुभकामना दिनु भएको सो साहित्य सम्मलेन प्राप्त शुभ कामना सहित कार्यक्रमका संयोजक तथा आयोजक संस्था अनेसास इजरायलका महसचिव कृष्ण थापाले सन्चालन गर्नु भएको थियो ।
सम्मेलनमा इजरायलका कला राइ , श्याम रोक्का, नयन्द्र कुमार चेम्जोङ्, शंकर पौडेल, टिका खरेल, बिजी श्रेष्ठ ,आचार्य नवराज, टासी ग्यल्मो शेर्पा, बी आर लामा, संगिता घिमिरे, सरस्वती विष्ट, ऋतू गिरी, सुनिल सँगम तथा कृष्ण थापाले आ आफ्नो रचना वाचन गर्नु भएको थियो ।
इजरायल बाहिर आचार्य प्रभा ( अमेरिका ), सविना सिन्धु ( नेपाल ), अनोज श्रेष्ठ (यु ए ई), एन्टोनी क्लाउद (क्यानडा), प्रवेश पौडेल (नेपाल ), रमेश गेलाल (कतार्), कृष्ण बजगाइ (बेल्जियम्), प्रकाश पौडेल माईला (जापान्), धीरज साप्कोटा (चिन ), केशव आचार्य(अमेरिका), होमनाथ सुबेदि(अमेरिका), भुपेन्द्र महत्(अमेरिका), ले लेख रचना पठाएर सम्मेलनमा सहभागीता जनाउनु भएको थियो ।
अनेसास का अध्यक्ष सुनील संगम को सभापतित्वामा संपन्न भएको सो कार्यक्रमको समापन को क्रममा उहाले अनेसासको परिचय दिदै यो नेपाली भाषा साहित्य र संगीतप्रेमी नेपालीहरुको अंतर्राष्ट्रीय साहित्यिक मंच भएको बताउनु भयो, यसको उद्देश्य साहित्यको माध्यमबाट प्रवासमा रहेका नेपालीहरु बिच भावनात्मक संजाल निर्माण गरि नेपाली साहित्य लाइ विश्वस्तर मा पुरयाउन मद्दत गर्ने रहेको कुरा प्रश्ट्याउनु भयो , उहाँ अनेसासद्वारा प्रकाशन हुने साहित्यिक पत्रिका अंतर्दृष्टिका अंतर्राष्ट्रीय संपादक पनि हुनुहुन्छ ।
